AB Rusiya qazı ilə bağlı Türkiyəyə tələb irəli sürüb

Avropa Birliyi (AB) Türkiyədən yeni müqavilələr çərçivəsində blok ölkələrinə tədarük edəcəyi qazın Rusiya mənşəli olmadığına əmin olmasını tələb edib. Bloomberg-in məlumatına görə, bunu Almaniyanın İqtisadiyyat naziri Katerina Reyxe bildirib.

Reyxe qeyd edib ki, Türkiyə AB-nin tələbini başa düşür və qəbul edir. Bununla belə, o, əlavə edib ki, Türkiyə rəsmiləri Rusiya təchizatının dəyişdirilməsinin həm iqtisadi, həm də mövcud resurslar baxımından bir gecədə mümkün olmadığını açıq şəkildə bildiriblər.

Nəşr qeyd edir ki, Qazpromun ikinci ən böyük qaz alıcısı olan Ankara hazırda mövcud müqavilələrin müddəti bitdiyindən Rusiya şirkəti ilə yeni təchizat müqavilələri üzrə danışıqlar aparır.

17 iyunda Rusiya enerji təchizatının mərhələli şəkildə dayandırılması çərçivəsində AB-nin Rusiya boru kəməri qazının idxalına qoyduğu qadağaların birinci mərhələsi qüvvəyə minib. Çərşənbə günü isə Rusiya boru kəməri qazının tədarükü üçün qısamüddətli müqavilələrə qoyulan qadağa qüvvəyə minib.

Əziz Mustafa