Mask dünyanın ilk dollar trilyoneri oldu

13:03

Bəyəndim (2) Bəyənmədim (0)

Cümə axşamı günü SpaceX tarixdə ən böyük ilkin kütləvi təklif keçirdi və rekord 75 milyard dollar topladı.
Elon Mask SpaceX-i ilk dəfə ictimaiyyətə çıxardıqdan sonra dünyanın ilk dollar trilyoneri oldu. Reuters bu barədə cümə axşamı, 11 iyun tarixində məlumat verib.

Qeyd olunur ki, SpaceX səhm təklifi şirkətə rekord 75 milyard dollar qazandırdı. IPO-dan əvvəl Maskın xalis sərvəti təxminən 780 milyard dollar olaraq qiymətləndirilirdi, lakin IPO-dan sonra onun xalis sərvəti 1,1 trilyon dolları keçdi.

Agentliyin məlumatına görə, satışa 555,56 milyon SpaceX səhmi çıxarılıb. Hər birinin qiyməti 135 dollar olub.

İş adamının sərvətinin əsas hissəsi təxminən 866 milyard dollar dəyərində olan SpaceX-dəki payından gəlir. Kosmik şirkətdən əlavə, Maskın imperiyasına Tesla və digər aktivlər də daxildir.

Mart ayında Mask dünyanın ən böyük çip istehsal müəssisəsi olan Terafab layihəsini elan etdi.

Əziz Mustafa