Tramp İranla danışıqlarda yavaş irəliləyişin əsas səbəbini açıqlayıb
ABŞ prezidenti Donald Tramp ABŞ və İran arasında danışıqlar prosesinin yavaş getdiyini, lakin tərəflərin tədricən məqsədlərinə doğru irəlilədiyini bildirib.
Oxuməni.az xəbər verir ki, bu barədə ABŞ prezidenti “Fox News”-a verdiyi müsahibədə vurğulayıb.
Amerika lideri izah edib ki, bu yavaş temp, onun fikrincə, İran tərəfini çox çətin və barışmaz danışıqçılar təmsil etməsi ilə bağlıdır.
"İstədiyimizə doğru yavaş irəliləyiş əldə edirik", Tramp deyib.
28 fevralda ABŞ və İsrail İrana qarşı genişmiqyaslı hərbi əməliyyata başladılar. Paytaxt Tehran da daxil olmaqla, ölkənin ən böyük şəhərləri hədəfə alındı. Ağ Ev hərbi əməliyyatların başlamasını Tehranın yaratdığı raket və nüvə təhdidlərini neytrallaşdırmaq üçün zəruri hesab edib.
Almaz Həsənli
