Aİİ ölkələri Ermənistandan Aİ və ya Aİİ arasında seçim tələb edir

Rusiya, Belarus, Qazaxıstan və Qırğızıstan prezidentləri Ermənistanın Avropa İttifaqına daxil olmaq niyyətləri ilə bağlı vəziyyətlə bağlı birgə bəyanatla çıxış ediblər. Sənəd 29 may tarixində Astanada Ali Avrasiya İqtisadi Şurasının iclası çərçivəsində imzalanıb. Oxuməni.az xəbər verir ki, sənəd Kremlin saytında yerləşdirilib.

Dörd ölkənin liderləri Ermənistanın Aİ-yə qoşulmaq istəyinin Avrasiya İqtisadi İttifaqının (Aİİ) iqtisadiyyətinə zərər verə biləcəyini düşünürlər. Bununla əlaqədar Aİİ ölkələri Ermənistana referendum keçirməyi təklif ediblər: orada vətəndaşlar Avrasiya İqtisadi İttifaqında qalmaq və ya Avropa İttifaqına daxil olmaq barədə qərar verməli olacaqlar.

Rusiya Prezidentinin köməkçisi Yuri Uşakov və Baş nazirin müavini Aleksey Overçuk ittifaqın mövqeyini aydın şəkildə ifadə ediblər. Uşakov vurğulayıb ki, "belə iki fərqli iqtisadi blokda eyni vaxtda olmaq mümkün deyil". Dar tərkibdə keçirilən iclasda liderlər blokun ümumi iqtisadi təhlükəsizliyi üçün potensial itkilərin və risklərin miqyasını fəal şəkildə təhlil ediblər.

Kremlin saytında yerləşdirilən birgə bəyanatda qeyd olunur ki, dekabr ayında Ali Avrasiya İqtisadi Şurasının iclasında Ermənistanla Aİİ müqaviləsinin dayandırılmasının mümkün "nəticələri" barədə hesabat təqdim olunacaq.

Ermənistanın Aİİ-dən çıxmasının mümkün nəticələrinin müzakirə olunacağı iclas 2026-cı ilin dekabrında keçiriləcək.

Almaz Həsənli