ABŞ-ın Kiyevdəki səfirliyi ölkəni tərk etdiyini təkzib edib

ABŞ-ın Kiyevdəki səfirliyi fəaliyyətini davam etdirir. Diplomatik missiya Avropa İttifaqı diplomatı Kaya Kallasın amerikalı diplomatların getməsi ilə bağlı məlumatlarını təkzib edib. Lakin səfirlik ABŞ vətəndaşlarının Ukraynaya səyahət etməmələri barədə xatırlatma yayıb.

Oxuməni.az xəbər verir ki, səfirlik X sosial media platformasında yayımlanan mətbuat açıqlamasında bildirib: "Əməliyyatlarımızda heç bir dəyişiklik yoxdur və əksinə olan hər hansı bir məlumat yalandır. Dövlət Departamenti amerikalıların təhlükəsizliyinə üstünlük verir və Kiyevdəki səfirliyin təhlükəsizlik vəziyyətini müntəzəm olaraq nəzərdən keçirir".

Xatırladaq ki, əvvəl Kallas bildirib ki, bütün AB səfirlikləri Kiyevdə qalır, ABŞ səfirliyinin əməkdaşları isə oranı tərk edib. 25 mayda Rusiya Xarici İşlər Nazirliyi Rusiya ordusunun Kiyevdəki müdafiə sənayesi obyektlərinə zərbə endirməyə başladığını açıqlayıb. Nazirlik diplomatlar da daxil olmaqla, əcnəbiləri Kiyevi "mümkün qədər tez" tərk etməyə çağırıb. AB bu çağırışa diplomatik heyətini təxliyə etməkdən imtina etməklə cavab verib.

Almaz Həsənli