Çinin Deepseek çatbotu Rusiyada problemlərlə üzləşib
İstifadəçilər Çinli Deepseek çatbotu ilə bağlı problemlərdən şikayət etməyə başlayıblar. Bu barədə Oxuməni.az “Sboy.rf” və “Downdetector” monitorinq resurslarının məlumatlarına istinadən xəbər verir.
Bazar günü, 24 saat ərzində şikayətlərin sayı kəskin şəkildə artıb. Downdetector göstərir ki, pik Bakı vaxtı ilə saat 17:00 ilə 20:00 arasında olub. Başqa bir pik saat səhər saat 9:00 ilə 12:00 arasında baş verib. Bəzi istifadəçilər çatbotun VPN olmadan işləmədiyini bildirirlər.
Roskomnadzor səlahiyyətli qurumlardan heç bir qərar almadığını və ya Deepseek-ə heç bir məhdudiyyət qoymadığını bildirib.
Deepseek Rusiyada tamamilə pulsuz mövcud olan çatbotlardan biri olaraq qalır. ChatGPT 2022-ci ildə Rusiya IP ünvanlarına malik istifadəçilərə girişi məhdudlaşdırıb. Google Gemini və ya Claude-dan istifadə etmək üçün IP ünvanınızı da dəyişdirməlisiniz.
Almaz Həsənli
.jpg)
