Makron Lukaşenko ilə dörd ildən sonra ilk dəfə danışıb

Aleksandr Lukaşenko Fransa prezidenti Emmanuel Makronla telefonla danışıb. Oxumeni.az xəbər verir ki, bu barədə Lukaşenkonun mətbuat xidməti məlumat yayıb.

Məlumata görə, söhbət Fransa tərəfinin təşəbbüsü ilə baş tutub. Makron və Lukaşenko "regional məsələləri və Belarusun Aİ və xüsusilə Fransa ilə münasibətlərini" müzakirə ediblər.

Fransa televiziya kanalı TF1/LCI-nin mənbələri söhbəti təsdiqləyiblər. Onların sözlərinə görə, Makron, xüsusən də "Rusiyanın Ukraynaya qarşı təcavüzkar müharibəsində mümkün iştirakla əlaqəli Belarus üçün riskləri vurğulayıb". Mənbə bildirib ki, "O, həmçinin Aleksandr Lukaşenkonu Belarus və Avropa arasında münasibətləri yaxşılaşdırmaq üçün lazımi addımları atmağa çağırıb".

Makron Lukaşenko ilə sonuncu dəfə 2022-ci il fevralın 26-da, Rusiyanın Ukraynaya hücumundan bir neçə gün sonra danışıb. O zaman Fransa prezidenti "Aleksandr Lukaşenkodan Rusiya qoşunlarının ölkəsinin ərazisindən çıxarılmasını təmin etməsini xahiş etdiyini" və Belarusun "Ukraynaya qarşı müharibədə Rusiyanın faktiki tərəfdaşı" olmaması lazım olduğunu yazıb.

Bugünkü zəng Rusiyanın Ukrayna ərazisinə "Oreşnik" raket zərbəsi endirməsindən sonra baş tutub. Makron bildirib ki, Fransa "bu hücumu və "Oreşnik" ballistik raketinin istifadəsini pisləyir ki, bu da, hər şeydən əvvəl, bu təcavüzkar müharibənin daha da gərginləşməsinə və çıxılmaz vəziyyətə düşməsinə cəhdi nümayiş etdirir".

Almaz Həsənli