.jpg)
Tramp sülh danışıqlarında İrana heç bir güzəştə getməyəcək
ABŞ prezidenti Donald Tramp Tehranın sülh danışıqlarına yeni cavabını aldıqdan sonra İrana heç bir güzəştə getməyə hazır olmadığını bildirib. O, bunu "New York Post" qəzetinə verdiyi müsahibədə bildirib.
"Hazırda heç nəyə açıq deyiləm", Tramp İranın uran zənginləşdirilməsinə 20 illik moratoriuma razılıq verməyə hazır olması ilə bağlı suala cavab olaraq bildirib.
Amerika prezidenti həmçinin Vaşinqtonun Tehrana qarşı yeni addımlar ata biləcəyinə işarə edib. "Sizə deyə bilərəm ki, onlar həmişəkindən daha çox razılaşma istəyirlər, çünki nəyin baş verəcəyini bilirlər", o deyib.
Lakin Tramp ABŞ-ın mümkün hərəkətlərinin təfərrüatlarını açıqlamaqdan imtina edib. "Bu barədə sizinlə həqiqətən danışa bilmərəm. Çox şey baş verir. Bunlar danışıqlardır. Axmaq olmaq istəmirəm", ABŞ prezidenti əlavə edib.
Əziz MUSTAFA
.jpg)
