Joze Mourinyo rəsmi olaraq "Real Madrid"in baş məşqçisi təyin edilib

Portuqaliyalı məşqçi Joze Mourinyo "Real Madrid"in baş məşqçisi təyin edilib. Oxuməni.az xəbər verir ki, insayder Fabritsio Romano bu barədə X sosial mediasında məlumat verib.

Tərəflər müqaviləni tam şəkildə başa vurublar; 63 yaşlı portuqaliyalı məşqçinin müqaviləsi 2028-ci ilin yayına qədərdir.

Madrid klubu Mourinyo ilə müqavilənin vaxtından əvvəl ləğvi üçün "Benfika"ya 6 milyon avro təzminat ödəyəcək. Mediada əvvəllər bildirilirdi ki, məşqçi komandanın heyət seçimində də söz sahibi olacaq. Məşqçi "Real Madrid" və "Atletik Bilbao" arasında keçiriləcək İspaniya liqası matçından sonra Madridə gələcək.

Mourinyo əvvəllər 2010-cu ildən 2013-cü ilə qədər "Real Madrid"i çalışdırıb və bu müddət ərzində komandanı İspaniya liqasında, İspaniya Kubokunda və İspaniya Super Kubokunda qələbəyə aparıb. Hazırda "Real Madrid"i Xabi Alonsonun istefasından sonra vəzifəyə başlayan Alvaro Arbeloa çalışdırır.

Bu mövsüm "Barselona" vaxtından əvvəl İspaniya çempionluğunu qazanıb, "Real Madrid" isə ikinci yeri tutub.

Almaz Həsənli