ABŞ Hörmüz boğazında yeddi İran gəmisinin məhv edildiyini açıqlayıb

ABŞ ordusu mülki gəmilərə bir sıra hücumlardan sonra Hörmüz boğazında yeddi İran gəmisinə zərbə endirdi.

ABŞ ordusu Hörmüz boğazında mülki gəmilərə hücum etməyə çalışan yeddi İran gəmisinə zərbə endirdi. ABŞ prezidenti Donald Tramp bunu sosial media hesabı Truth Social-da açıqlayıb.

"İran Cənubi Koreya yük gəmisi də daxil olmaqla, Azadlıq Layihəsi gəmiçiliyi ilə heç bir əlaqəsi olmayan ölkələrə atəş açdı", - deyə ABŞ lideri yazıb.

Eyni zamanda Tramp qeyd edib ki, bəlkə də "Cənubi Koreyanın missiyaya qoşulmasının vaxtıdır".

ABŞ prezidenti əlavə edib ki, "Biz yeddi kiçik gəmini, yaxud da onların dediyi kimi, "sürət gəmilərini" vurduq. Onlardan qalan tək şey budur".

Onun sözlərinə görə, Cənubi Koreya gəmisi ilə baş verən hadisədən başqa, boğazdan tranzit zamanı heç bir zərər dəyməyib.

Xatırladaq ki, Tramp iki aydır bağlı qalan Hörmüz boğazında gəmilərin açılması üçün Azadlıq Layihəsinin başlandığını elan edib.

4 may günortadan sonra ABŞ bayrağı altında üzən iki ticarət gəmisinin Hörmüz boğazından uğurla keçdiyi və səyahətlərinə davam etdiyi bildirilib.

Əziz MUSTAFA