Çində məmur 10 milyon dollar rüşvət aldığına görə 17 il həbs cəzasına məhkum edilib

.Çin hakimiyyəti Daxili Monqolustan Xalq Siyasi Məşvərət Konfransının (məşvərətçi orqan) sədr müavini Vanq Çjonqeni 66 milyon yuandan (təxminən 10 milyon dollar) çox rüşvət aldığına görə 17 il həbs cəzasına məhkum edib. Bu barədə Çin Ali Xalq Məhkəməsi məlumat verib.

Onun WeChat səhifəsinə görə, hökmə təqsirləndirilən şəxsin məhkum edildiyi məmurlara rüşvət verməsi də daxildir. O, həmçinin 6,1 milyon yuan (890.000 dollar) cərimə ödəməlidir. Vanq Çjonqenin qanunsuz əldə etdiyi bütün aktivlər müsadirə olunaraq və dövlət xəzinəsinə köçürüləcək.

Məmur günahını boynuna alaraq peşman olduğunu bildirib və istintaqla əməkdaşlıq edib. Buna görə də, rüşvətin xüsusilə böyük həcminə baxmayaraq, ona yüngül cəza verilib.

Çin hökuməti Si Cinpinin rəhbərlik etdiyi beşinci nəsil liderlər 2012-ci ildə hakimiyyətə gəldikdən bəri korrupsiyaya qarşı mübarizəni gücləndirib. Son illərdə genişmiqyaslı kampaniya nəticəsində yüksək vəzifəli məmurlar da daxil olmaqla bir çox məmur vəzifələrini itirib və ömürlük həbs cəzasına məhkum edilib. Yanvar ayında Çin lideri 15-ci beşillik plan (2026-2030) çərçivəsində korrupsiya elementlərinə qarşı tədbirlərin gücləndirilməsini əmr etdi.

Əziz MUSTAFA