Almaniyada İran şahı Pəhləvinin oğlunun üstünə qırmızı maye atıblar

Son İran şahı və aparıcı müxalifət nümayəndələrindən biri olan Rza Pəhləvi cümə axşamı günü Berlinin hökumət rayonunda qırmızı maye ilə ləkələnib. Oxuməni.az xəbər verir ki, bu barədə Pəhləvinin mətbuat xidmətinin X-dəki hesabında məlumat verilib.
Siyasətçi Almaniyada parlament müxbirlərinin müstəqil birliyi olan Federal Mətbuat Konfransı binasından küçəyə çıxarkən, arxadan ona yaxınlaşan bir şəxs onun kürəyinə maye sıçradıb. Bundan sonra hücum edən şəxsi yerə yıxıblar və polis tərəfindən saxlanılıb. Hücum edənin motivləri barədə məlumat verilmir.
Rza Pəhləvinin mətbuat xidmətinin X-dəki hesabında hücumdan sonra bir paylaşım yerləşdirilib. Paylaşımda bildirilir ki, siyasətçi hücum nəticəsində zərər görməyib və Berlin proqramına dəyişiklik etmədən davam edib: "O, Bundestaqın xarici əlaqələr komitəsinin sədri ilə görüşüb, Bundestaqda partiyalararası parlament dairəvi masasında iştirak edib, minlərlə iranlının toplandığı mitinqdə çıxış edib, bir qrup gənc deputatla görüşüb, bir neçə KİV-ə müsahibə verib və İran diasporunun nümayəndələri ilə görüşüb."
Şahın oğlu, nümayəndələrinin qeyd etdiyi kimi, diqqətin "hər gün edamlar, qətllər, işgəncələr və təcavüzlərlə üzləşən İran xalqının ağır vəziyyətinə" yönəlməsini istəyib. Onlar əlavə ediblər ki, o, Berlin polisinə dəstəyə görə təşəkkür edir.
Almaz Həsənli