Gürcüstan 2027-ci ildə ATƏT-ə sədrlik etmək üçün namizədliyini irəli sürüb
Gürcüstanın xarici işlər naziri Maka Boçorişvili hazırda Vyanada keçirilən ATƏT Təhlükəsizlik Əməkdaşlıq Forumunun ilk iclasında çıxış edib.
Bu barədə Oxuməni.az Gürcüstan mediasına istinadən məlumat verir.
Xarici işlər nazirinin sözlərinə görə, ATƏT regionundakı vəziyyət ciddi olaraq qalır və yeni və sürətlə inkişaf edən təhdidlərin ortaya çıxması fonunda təcili diqqət tələb edir. O, müasir silahların yayılmasını, kiber əməliyyatların artmasını və hibrid təhdidlərin artmasının ənənəvi və qeyri-ənənəvi münaqişə formaları arasındakı sərhədləri sildiyini qeyd edib.
Boçorişvili həmçinin Gürcüstanın foruma 4 sentyabr 2026-cı ilə qədər sədrlik edəcəyini, bundan sonra isə Böyük Britaniyanın sədrliyi öz üzərinə götürəcəyini açıqlayıb.
Bundan əlavə, nazir qeyd edib ki, Gürcüstan 2027-ci ildə ATƏT-ə sədrlik etmək üçün rəsmi olaraq namizədliyini irəli sürüb.
Almaz Həsənli
.jpg)
.jpg)
