Yaponiyada 7,5 bal gücündə zəlzələdən sonra sunami xəbərdarlığı edilib

Şimali Yaponiyanın şərq sahillərinin sakinlərinə zəlzələdən sonra mümkün sunami barədə xəbərdarlıq edilib. Yaponiya Milli Meteorologiya Administrasiyası xəbərdarlıq edib.

Honşu adasının şimal kənarında yerləşən Aomori prefekturasında 7,5 bal gücündə zəlzələ baş verib. Qeyd olunur ki, yaxın gələcəkdə üç metr hündürlüyə qədər ilk dalğalar sahil xəttinə çata bilər. İvate, Aomori, Miyagi və cənubi Hokkaydo prefekturaları xüsusilə risk altındadır.

18 apreldə Yaponiyanın Naqano prefekturasında 5,0 bal gücündə zəlzələ baş verib. Yaponiyada istifadə edilən yeddi ballıq şkala üzrə təkanların maksimum maqnitudası 5+ olub. Zəlzələ 10 kilometr dərinlikdə baş verib. Heç kim xəsarət almayıb və heç bir ziyan qeydə alınmayıb.

Əvvəllər UNESCO yaxın onilliklərdə Fransa sahilləri də daxil olmaqla Aralıq dənizində sunami riskinin yüksək olacağı barədə xəbərdarlıq etmişdi. Mütəxəssislər hesab edirlər ki, bölgəni tamamilə təhlükəsiz hesab etmək olmaz: tarixi qeydlər dağıdıcı dalğaların Fransa sahillərinə çatdığı halları göstərir. Təhlükə təkcə dalğaların özündə deyil, həm də limanları su basa və sahil infrastrukturunu məhv edə bilən güclü cərəyanlardadır.

Əziz MUSTAFA