Orban Ukraynaya 90 milyard avroluq kreditin açılması üçün şərt irəli sürüb
Macarıstan AB-nin 90 milyard avroluq kredit yardımını açsa, Ukrayna bazar ertəsi günü Drujba boru kəməri ilə neft tədarükünü bərpa etməyə hazırdır.
Bu barədə Oxuməni.az Macarıstanın Baş naziri Viktor Orbanın açıqlamasına istinadən məlumat yayıb.
Macarıstan Baş nazirinin sözlərinə görə, Budapeşt Brüssel vasitəsilə Ukrayna tərəfindən müvafiq siqnal alıb.
Macarıstan yalnız enerji təchizatı sabitləşərsə, Ukraynaya maliyyə yardımı ilə bağlı güzəştlərə getməyə hazırdır.
"Macarıstanın mövqeyi dəyişməyib: neft yoxdur = pul yoxdur. Neft tədarükü bərpa olunan kimi, biz artıq kreditin təsdiqini bloklamayacağıq", - deyə Orban vurğulayıb.
O, həmçinin əlavə edib ki, bu kreditin geri qaytarılması Macarıstana heç bir əlavə maliyyə yükü və ya öhdəlik yaratmır.
Xatırladaq ki, Ukrayna üçün 90 milyard avro ayrılması məsələsi Aİ-də uzun müzakirələrin mövzusu olub. Xüsusilə, Slovakiya öz iqtisadi maraqlarının, xüsusən də Drujba neft kəmərinin istismarının qorunmasını əsas gətirərək Rusiyaya qarşı Aİ-nin 20-ci sanksiya paketini bloklayacağını bildirib.
Avropa Komissiyası əvvəllər bu kredit paketinin ilk tranşının ödənilməsini təxirə salmışdı. Təxirə salma qərarı Aİ-nin ayrı-ayrı üzv dövlətlərinin mövqeləri ilə bağlı qeyri-müəyyənlik fonunda qəbul edilib.
Lakin Macarıstanda keçirilən parlament seçkilərindən sonra vəziyyət dəyişməyə başladı. Ölkənin yeni lideri, Tisza partiyasının qalib gəldiyi Peter Magyar, Kiyev, Budapeşt və Brüssel arasında yeni danışıqlara başlamaqla Ukrayna üçün 90 milyard avronu bloklamaq istəyinə işarə etdi.
Əziz Mustafa
