Rusiya Finlandiya və Baltikyanı ölkələri "özünümüdafiə" ilə hədələyir
Rusiya Rusiya obyektlərinə dron hücumlarına görə Finlandiya və Baltikyanı ölkələri "özünümüdafiə hüququ" ilə hədələyir.
RBC-Ukraynanın Rusiya mediasına istinadən verdiyi məlumata görə, bunu Rusiya Təhlükəsizlik Şurasının katibi Sergey Şoyqu bildirib.
Rusiya rəsmisi iddia edir ki, Ukraynanın PUA-larının qonşu ölkələr üzərindən uçuşları ya onların hava müdafiəsinin səmərəsizliyi, ya da Finlandiya və Baltikyanı ölkələrin qəsdən hava məkanını təmin etməsi səbəbindən mümkündür.
Şoyqunun sözlərinə görə, əgər sonuncu ssenari təsdiqlənərsə, Rusiya BMT Nizamnaməsinin 51-ci maddəsini tətbiq etməyi mümkün hesab edəcək.
"İkinci halda, BMT Nizamnaməsinin özünümüdafiə hüququ haqqında 51-ci maddəsi qüvvəyə minir", - deyə o bildirib.
Xatırladaq ki, Baltik dənizi regionunda vəziyyət son zamanlar bir sıra dron hadisələri səbəbindən xeyli gərginləşib.
Əziz Mustafa
