Qırğızıstanın keçmiş xarici işlər naziri vəzifə səlahiyyətlərindən sui-istifadə etməkdə ittiham olunur

15 Aprel 12:34

Bəyəndim (1) Bəyənmədim (0)

Qırğızıstan Daxili İşlər Nazirliyi keçmiş xarici işlər naziri Çingiz Aydarbekova qarşı vəzifə səlahiyyətlərindən sui-istifadə ittihamı irəli sürüldüyünü açıqladı. Ona səyahət qadağası qoyulub.

Çingiz Aydarbekov 2018-ci ildən 2020-ci ilə qədər Qırğızıstanın xarici işlər naziri vəzifəsində çalışıb. Nazirliyin məlumatına görə, nazirlikdə işlədiyi müddətdə müəyyən işçilərlə gizli sövdələşməyə girib və büdcə vəsaitlərinin istifadəsində qanun pozuntularına yol verib.

İttihamlara şişirdilmiş xərclər, müvafiq sənədlər olmadan əmlakın və vəsaitlərin silinməsi və saxta sənədlərin istifadəsi daxildir. İstintaq həmçinin mənimsəmə hallarını, o cümlədən əlaqəli qurumlar vasitəsilə mənimsəmə hallarını da aşkar edib.

Əziz MUSTAFA