Tramp İrana qarşı zərbələri bərpa etməyi düşünür

09:51

Bəyəndim (2) Bəyənmədim (0)

ABŞ prezidenti Donald Tramp, danışıqların uğursuzluğu fonunda, İran əleyhinə məhdud zərbələri yenidən həyata keçirmək ideyasını nəzərdən keçirir. Oxuməni.az xəbər verir ki, bu barədə "The Wall Street Journal" (WSJ) qəzeti vəziyyətdən xəbərdar olan mənbələrə istinadən məlumat yayıb.
Amerika rəsmilərinin sözlərinə görə, Vaşinqton bununla Tehranı güzəştə getməyə təşviq etmək istəyir. Nəşrin həmsöhbətləri əlavə ediblər ki, Ağ Ev rəhbəri tammiqyaslı bombardman kampaniyasını da yenidən başlaya bilər. Eyni zamanda, rəsmilər qeyd ediblər ki, bu, "regionda daha da sabitliyin pozulması perspektivini və prezidentin uzunmüddətli hərbi münaqişələrə meylli olmamasını nəzərə alaraq" daha az ehtimal olunur.
Daha əvvəl İran Xarici İşlər Naziri Abbas Ərakçı bildirmişdi ki, ABŞ və İran İslamabadda keçirilən danışıqlarda Amerika tərəfinin hərəkətləri səbəbindən qarşılıqlı anlaşma sazişi imzalamayıblar. O izah edib ki, Tehran "maksimalizm, şərtlərin daimi dəyişməsi və sərtliklə" üzləşib.
Almaz Həsənli