ABŞ məhkəməsi aktyor Metyu Perrinin ölümündə günahkar olanı 15 il həbs cəzasına məhkum edib

11:43

Bəyəndim (1) Bəyənmədim (0)

"Ketamin kraliçası" kimi tanınan 42 yaşlı ABŞ-Böyük Britaniya vətəndaşı Jasvin Sangha 15 il həbs cəzasına məhkum edilib. Sky News-un verdiyi məlumata görə, o, aktyor Metyu Perrinin ölümünə səbəb olan narkotik satmaqda günahkar bilinib.

Sangha əvvəlcə ittihamları rədd etmiş, lakin iş məhkəməyə getməzdən bir neçə həftə əvvəl, 2025-ci ildə etirafını dəyişdirməyə razılaşmışdı. Metyu Perri işi üzrə beş nəfər günahını etiraf edib. Jasvin Sangha hökm oxunan üçüncü şəxs olub.

Aktyoru ketaminlə təmin edən Dr. Salvador Plasencia 2025-ci ilin dekabr ayında iki il yarım həbs cəzası aldı. Digər bir həkim Mark Çavez isə Plasenciaya ketamin satdığını etiraf etdikdən sonra üç il şərti azadlıq və 300 saat ictimai iş aldı.

54 yaşlı Metyu Perrinin cəsədi 28 oktyabr 2023-cü ildə Los-Ancelesdəki evindəki isti vannada tapıldı. Meyitin yarılması hesabatında ölüm səbəbinin kəskin ketamin təsiri olduğu bildirilirdi. Prokurorlar iddia edirlər ki, təqsirləndirilən şəxslər Perrinin asılılıqda olduğunu bilirdilər, lakin onun ketamin istifadəsinə kömək ediblər.

Əziz MUSTAFA