Tramp müharibədə ABŞ və İsrailə kömək etmədiyinə inandığı NATO ölkələrini cəzalandırmağa hazırlaşır

Tramp administrasiyası Vaşinqtonun İranla müharibə zamanı ABŞ və İsrailə kömək etmədiyinə inandığı NATO ölkələrini cəzalandırmaq planını nəzərdən keçirir. Bu barədə The Wall Street Journal məlumat yayıb.

Wall Street Journal-a görə, təklifdə İranla müharibə kontekstində "etibarsız" hesab edilən NATO üzv ölkələrindən ABŞ hərbi kampaniyasını dəstəkləyən ölkələrə ABŞ qoşunlarının yenidən yerləşdirilməsi nəzərdə tutulur.
Plan ABŞ-ın Alyansdan tamamilə çıxmasından çox geridədir. Trampın Konqressiz bunu etmək üçün qanuni səlahiyyəti yoxdur, lakin bu, Tramp administrasiyası ilə Avropa müttəfiqləri arasında artan bir uçurumun olduğunu göstərir.

İki administrasiya rəsmisinin sözlərinə görə, plana ən azı bir Avropa ölkəsində, ehtimal ki, İspaniya və ya Almaniyada ABŞ bazasının bağlanması da daxil ola bilər:

İspaniya - ÜDM-nin 5%-ni müdafiəyə xərcləməyi öhdəsinə götürməyən yeganə NATO ölkəsi olan İspaniya, İrana qarşı əməliyyatda iştirak edən ABŞ təyyarələrinin hava məkanında uçuşuna mane olub.

Almaniya - Almaniyanın Yaxın Şərqdə ABŞ əməliyyatlarını dəstəkləmək üçün vacib mərkəz olmasına baxmayaraq, yüksək vəzifəli şəxslər Trampın müharibəsini tənqid ediblər.

İtaliya - Siciliyada hava bazasının istifadəsini müvəqqəti olaraq bloklayıb.

Fransa - ölkənin cənubundakı bazanın istifadəsinə yalnız İrana zərbələrdə iştirak etməyən təyyarələrin oraya enəcəyinə dair zəmanətdən sonra icazə verib.

Wall Street Journal-a görə, potensial faydalananlar Polşa, Rumıniya, Litva və Yunanıstandır. Bu ölkələr Alyansda ən yüksək müdafiə xərclərinə malikdirlər və Hörmüz boğazında patrul xidməti göstərən beynəlxalq koalisiyanı dəstəkləməyə hazır olduqlarını ilk dəfə bildirən ölkələr olublar.

Rumıniya ABŞ Hərbi Hava Qüvvələrinə öz bazalarından istifadə etməyə tez bir zamanda icazə verdi.

Amerika qoşunlarının Rusiya sərhədinə daha yaxın yerdə yerləşdirilməsi Moskva ilə münasibətləri daha da gərginləşdirə bilər.

Əziz MUSTAFA