Bəhreyn Hörmüz boğazı ilə bağlı qətnamə layihəsindən güc tətbiqi maddəsini çıxardı
Bəhreyn, BMT Təhlükəsizlik Şurasına təqdim etdiyi Hörmüz boğazı ilə bağlı əvvəlki qətnamə layihəsinin müddəalarını yumşaldıb və gəmiçiliyin təmin edilməsi üçün güc tətbiqi imkanını nəzərdə tutan maddəni çıxarıb. Oxuməni.az xəbər verir ki, bu barədə AFP agentliyi sənədin yekun mətninə istinadən məlumat verib.
Əvvəlcə Bəhreyn, digər Fars körfəzi ölkələrinin və ABŞ-ın dəstəyi ilə, boğazın açılması üçün istənilən dövlətə güc tətbiqi hüququ verən bir sənəd layihəsi irəli sürmüşdü. Lakin AFP-nin məlumatına görə, qətnamə layihəsinin müzakirəsi zamanı Rusiya, Çin və Fransa öz əhəmiyyətli etirazlarını bildiriblər. Yeni müddəalar "müdafiə xarakterli səylərin koordinasiyasını" nəzərdə tutur ki, bu da "şəraitə uyğun" olmalı və "gəmiçiliyin təhlükəsizliyinin təmin edilməsinə kömək etməyi" hədəfləməlidir.
Daha əvvəl, aprelin 3-də Rusiya Xarici İşlər Naziri Sergey Lavrov bildirmişdi ki, Bəhreynin təklif etdiyi qətnamə mətni BMT Təhlükəsizlik Şurası tərəfindən qəbul oluna bilməz, çünki o, münaqişənin sülh yolu ilə həllinə kömək etmir. Xüsusilə, güc tətbiqinə icazə verilməsinin yolverilməzliyindən söhbət gedirdi.
Almaz Həsənli
