Britaniya, İtaliya və Yaponiya yeni qırıcı təyyarələrin yaradılması üçün ilk müqaviləni imzalayıb
Aprelin 2-də Yaponiya, Böyük Britaniya və İtaliya nümayəndələri ən yeni qırıcı təyyarələrin birgə hazırlanması və istehsalı barədə ilk üçtərəfli müqaviləni imzalayıblar. Oxuməni.az xəbər verir ki, bu barədə “NHK” məlumat verib.
Üçtərəfli Qlobal Döyüş Aviasiyası Proqramı (Global Combat Air Programme; GCAP) 2022-ci ildə start götürüb. Layihənin podratçısı, layihə və mühəndislik işləri ilə məşğul olan üçtərəfli birgə müəssisə olan Edgewing şirkəti ilə 900 milyon dollarlıq müqavilə imzalanıb.
GCAP proqramı çərçivəsində Britaniya, İtaliya və Yaponiya bütün müasir modellərdən, o cümlədən pilotsuz uçuş aparatları (PUA) ilə mübarizə imkanları baxımından üstün olacaq qırıcı təyyarələr hazırlamağı planlaşdırırlar. Yeni təyyarələrin ilk tədarükləri 2035-ci ilə planlaşdırılıb.
Almaz Həsənli
