Avropanın ABŞ-sız Hörmüz boğazını açmaq planı ortaya çıxıb

ABŞ-ın 40-dan çox müttəfiqi Hörmüz boğazında gəmiçiliyin bərpası planlarını müzakirə etmək üçün virtual görüş keçirib. Oxuməni.az xəbər verir ki, “Bloomberg”-in mənbələrə istinadən verdiyi məlumata görə, onlar ABŞ-ın iştirakı olmadan məsələnin həll edilməli olacağı təqdirdə hərəkət planını nəzərdən keçirirlər.
Görüşü aprelin 2-də Böyük Britaniya keçirib. Görüşdə Avropa, Yaxın Şərq və Asiya ölkələri, həmçinin Avstraliya və Kanada iştirak edib. Agentliyin məlumatına görə, bəzi ölkələr Hörmüz boğazı ilə bağlı qərarın ABŞ və İran arasında atəşkəs danışıqlarında təsbit edilməsini vacib hesab edir. Bloomberg-in həmsöhbətlərinin aydınlaşdırdığına görə, görüşdə Tehran əleyhinə sanksiyalar da daxil olmaqla, mümkün iqtisadi tədbirlər və münaqişənin həlli üçün diplomatik səylərə BMT-nin cəlb edilməsi müzakirə olunub.
Fevralın 28-də ABŞ və İsrail İrana qarşı hərbi əməliyyata başlayıblar. Buna cavab olaraq İslam Respublikası dünya neft və mayeləşdirilmiş təbii qaz tədarükünün təxminən beşdə birinin keçdiyi Hörmüz boğazını bağlayıb. Mart ayında marşruta Rusiya, Hindistan, Çin və Tayland da daxil olmaqla dost ölkələr üçün giriş açıldı. İran xarici gəmilərin keçməsinə icazə vermək üçün "Hörmüz Paktı"nın yaradılmasını təklif edib.
Almaz Həsənli