Yunanıstan Türkiyə ilə sərhəddə dron istehsalı zavodu tikir

Yunanıstan bildirir ki, Türkiyə ilə sərhəd yaxınlığında yerləşən qapalı şəkər fabriki hərbi məqsədlər üçün Yunanıstan Ordusuna təhvil veriləcək. İddialara görə, müəssisədə PUA istehsalı və hərbi yerləşdirilməsi planları müzakirə olunur və bu da bölgədəki fəaliyyətə diqqət çəkir. Bu barədə Evrosnews veb saytından verilən məlumatda deyilir.

Yunanıstanda, Türkiyə ilə sərhəd yaxınlığında yerləşən Kumçiftilidə, 2018-ci ildən bəri bağlanmış şəkər fabrikinin Yunanıstan Silahlı Qüvvələrinə təhvil verilməsi planlarının davam etdiyi iddia edilir.
Evrosnews veb saytından verilən məlumata görə, ordunun fabrikdən pilotsuz uçuş aparatlarının (PUA) istehsalı, texniki xidməti, təmiri və yerləşdirilməsi üçün istifadə edəcəyi və bu kontekstdə müəssisənin pilotsuz uçuş aparatlarının (PUA) istehsalı və ya texniki xidməti üçün istifadə edilə biləcəyi bildirilir.
Bu yaxınlarda Afinadan yüksək vəzifəli hərbi rəsmilərin obyektdə yoxlamalar aparmaq və həmçinin zavodun infrastrukturuna qoşulmuş dəmir yolu xətlərini izləmək üçün bölgəyə səfər etdikləri bildirilib. Məlumatda iddia edilir ki, Yunanıstan Baş Qərargahı və Müdafiə Nazirliyi bu obyektin təhvil verilməsi ilə bağlı danışıqlar aparır.

Əziz MUSTAFA