AB otellərdə və restoranlarda birdəfəlik şampun və gelləri qadağan edir

AB otellərdə və restoranlarda birdəfəlik şampun və gelləri qadağan edir.
Səyahət edənlərə bu dəyişiklikləri nəzərə almaq və mümkün olduqda öz tualet ləvazimatlarını gətirmək və ya otelin təklif etdiyi məhsulları əvvəlcədən otellə yoxlamaq tövsiyə olunur.
Avropa Birliyi ölkələri otellərdə və restoranlarda birdəfəlik istifadə olunan plastikləri tədricən aradan qaldırmağı planlaşdırır. Xüsusilə, qadağa şampunların, gellərin və digər kosmetik vasitələrin miniatür şüşələrinə şamil ediləcək, The Portugal News xəbər verir.

Bu qərar qonaqpərvərlik sənayesində plastik tullantılarını azaltmaq üçün qəbul edilib. Adi birdəfəlik qablaşdırma əvəzinə, müəssisələr daha böyük qablardan doldurula bilən divara quraşdırılmış dispenserlər kimi təkrar istifadə edilə bilən həllərə keçməlidirlər.

Dəyişikliklər tədricən tətbiq olunacaq. Birdəfəlik qablaşdırmaya tamamilə qadağa qoyulmasının 2030-cu ildə qüvvəyə minməsi, keçid mərhələsinin isə qarşıdakı illərdə avqust ayında başlaması gözlənilir.

Bu dəyişikliklərin məqsədi resursların təkrar istifadəsini, təkrar emalın inkişafını və istehsalçıların plastik tullantıların azaldılması üçün məsuliyyətini artırmaqdır.

Fransa ənənəvi olaraq dünyanın ən populyar turizm məkanları siyahısına başçılıq edir. 2025-ci ildə ölkə 102 milyondan çox turisti qəbul edib ki, bu da əvvəlki ildən iki milyon çoxdur və rekord həddə - 77,5 milyard avroya turizm gəliri əldə edib.

Əziz MUSTAFA