İranın yeni ali rəhbəri ABŞ ilə danışıqlara razılıq verib
İran Xarici İşlər Nazirliyinin rəhbəri Abbas Ərakçi, ABŞ prezidentinin xüsusi nümayəndəsi Stiv Uitkoffa bildirib ki, İslam Respublikasının yeni ali rəhbəri Müctəba Xamenei danışıqlara razılıq verib. Oxuməni.az xəbər verir ki, bu barədə İsrailin “Ynet” nəşri mənbələrə istinadən məlumat yayıb.
Nəşrin mənbələri diplomatdan sitat gətirir: "Bizim şərtlərimiz yerinə yetirilərsə, bu məsələni ən qısa zamanda həll etmək üçün Müctəba Xameneidən razılıq və xeyir-dua aldıqdan sonra buradayam."
Daha əvvəl məlum olmuşdu ki, Uitkoff son günlərdə İran Xarici İşlər Nazirliyinin rəhbəri ilə birbaşa əlaqə saxlayıb. Rəsmi şəxslərin sözlərinə görə, Ərakçi ABŞ-ın xüsusi nümayəndəsinə bildirib ki, İran müvəqqəti atəşkəslə maraqlanmır və ABŞ ilə İsrailin Respublikaya bir daha hücum etməyəcəyinə dair zəmanətlərlə davamlı sülh sazişi bağlamaq istəyir.
Almaz Həsənli
