Netanyahu İrana mesaj göndərdi: Sizi yuxarıdan izləyirik

İsrailin Baş naziri Benyamin Netanyahu Tel-Əvivdəki Kiryat hərbi bazasındakı kameralara müraciət edərək son 24 saat ərzində aparılan əməliyyatlar barədə məlumat verdi. Netanyahu dedi: "Son 24 saat ərzində bu zülmün başında duran iki terrorçu lideri zərərsizləşdirdik. Təyyarələrimiz yerdəki terrorçu elementləri hədəf alır: kəsişmələrdə və şəhər meydanlarında. Sizi izləyirik."

İsrail Baş naziri Benyamin Netanyahu, İranın yüksək vəzifəli rəsmilərinin ölümündən sonra müdafiə naziri İsrael Katz ilə birlikdə Kiryat hərbi bazasındakı kameralara müraciət etdi.

Netanyahu, son 24 saat ərzində İran rəhbərliyindəki əsas şəxslərə qarşı əməliyyatlar aparıldığını bildirərək, iki yüksək vəzifəli şəxsin hədəf alındığını qeyd etdi. O, açıqlamasında əməliyyatların İsrailin təhlükəsizliyi çərçivəsində həyata keçirildiyini vurğulayıb.

İsrail hava qüvvələrinin döyüş meydanındakı əməliyyatlarına toxunan Netanyahu hücumların davam etdiyini qeyd edərək deyib: "Mən burada İsrail müdafiə naziri, Baş Qərargah rəisi, Mossad rəhbəri, Hərbi Hava Qüvvələri komandanı və yüksək rütbəli komandirlərimizlə birlikdəyəm. Son 24 saat ərzində bu zülmün (vəhşi qüvvənin) zirvəsində iki terrorçu lideri zərərsizləşdirdik. Təyyarələrimiz döyüş meydanında, yol ayrıclarında və şəhər meydanlarında terrorçu elementləri hədəf alır."

Müdafiə naziri İsrael Katz öz qiymətləndirməsində əməliyyatların planlaşdırıldığı və əlaqələndirildiyi kimi davam etdiyini qeyd edib. Katz İsrailin təhlükəsizliyini təmin etmək üçün hərbi əməliyyatların davam edəcəyini bildirib.

Əziz MUSTAFA