ABŞ Hərbi Hava Qüvvələrinin bombardmançı qrupu İrana zərbələr endirmək üçün Böyük Britaniyadan havaya qalxıb

07:48

Bəyəndim (3) Bəyənmədim (0)

The Times qəzetinin məlumatına görə, ABŞ Hərbi Hava Qüvvələrinə məxsus üç B-1B Lancer strateji bombardmançı təyyarəsi İrandakı hədəflərə zərbələr endirmək üçün Böyük Britaniyanın Fairford Hərbi Hava Qüvvələri Bazasından havaya qalxıb.
Qəzetin məlumatına görə, qrup ABŞ müdafiə naziri Pit Heqsetin çərşənbə axşamı günü İrana zərbələrin "ən gərgin" günü olacağını açıqlamasından bir neçə saat sonra havaya qalxıb.

İrana və geriyə fasiləsiz uçuşlar da daxil olmaqla, əməliyyatın çərşənbə gününə qədər davam etməsi gözlənilir. Hazırda ABŞ Hərbi Hava Qüvvələrinin ağır bombardmançı təyyarələr qrupunun tərkibində 12 ədəd B-1B Lancer və üç ədəd B-52H Stratofortress təyyarəsi Fairford Hərbi Hava Qüvvələri Bazasında yerləşdirilib.

Bu arada, Daily Mail qəzetinin qeyd etdiyi kimi, ABŞ Hərbi Hava Qüvvələrinin döyüşə hazır B-1B Lancer strateji bombardmançı təyyarələrinin təxminən 25%-i hazırda Böyük Britaniyada yerləşdirilib.

Əziz MUSTAFA