İspaniya Putinə yaxın oliqarxa məxsus əmlaklarda axtarış aparıb

İspaniya polisi 9 mart çərşənbə axşamı günü Rusiya Helikopterləri Holdinq Şirkətinin baş direktoru Nikolay Kolesovun ailəsinə məxsus Malyorka şəhərindəki iki malikanəsində axtarış aparıb. Bu barədə İspaniyanın El Pais qəzeti məlumat verib. Bir neçə polis mənbəyi tərəfindən təsdiqləndiyi kimi, o, Rusiya diktatoru Vladimir Putinə yaxın hesab olunur.

Sözügedən əmlak iki villaya aiddir: biri Kala Vienye bölgəsində, digəri isə ən nüfuzlu villalardan biri hesab olunan Sol de Malyorka bölgəsindədir. Əmlaklar Malyorka cənubunda, Kalvia bələdiyyəsində yerləşir. Bu villalar, digəri ilə birlikdə, 2024-cü ildə Kolesovun dörd yaşlı oğlu Aleksey tərəfindən "satın alınıb".

Kolesovun adadakı əmlaklarından biri onun azyaşlı qızı Nikola, digəri isə Kolesovun 70 yaşlı bacısı Annaya qeydiyyatdan keçib. Bütün bu əmlaklar əvvəllər Kolesovla əlaqəli Rusiya müdafiə şirkətlərinə məxsus idi. İnformasiya üzrə Baş Komissar bu işi araşdırır.

Xatırladaq ki, rusiyalı oliqarx Əlişir Usmanov 2022-ci ildə Rusiyanın Ukraynaya tammiqyaslı işğalının başlamasından sonra AB sanksiyaları altına alınıb. Usmanovla əlaqəli bəzi vəsaitlər və aktivlər məhdudlaşdırıcı tədbirlərə uyğun olaraq dondurulub.

Əziz MUSTAFA