Türkiyə NATO-nun hava hücumundan müdafiə qüvvələri tərəfindən İrandan atılan ballistik sursatın ələ keçirildiyini bildirib

. Türkiyə Müdafiə Nazirliyi İrandan atılan və Türkiyə hava məkanına daxil olan yeni ballistik sursatın ələ keçirildiyini bildirib.

"İrandan atılan və Türkiyə hava məkanına daxil olan ballistik sursat Şərqi Aralıq dənizində yerləşdirilən NATO hava hücumundan müdafiə və raketdən müdafiə elementləri tərəfindən zərərsizləşdirilib. Qırıntıların bəziləri Qaziantep əyalətindəki boş ərazilərə düşüb. Hadisə nəticəsində heç kim xəsarət almayıb", - nazirlik açıqlamasında bildirib.

Müdafiə Nazirliyi bildirib ki, "Türkiyə mehriban qonşuluq münasibətlərinə və regional sabitliyə böyük əhəmiyyət verir". "Lakin, ölkəmizin ərazisinə və hava məkanına yönəlmiş hər hansı bir təhdidə qarşı bütün zəruri addımların qətiyyətlə və tərəddüd etmədən atılacağını bir daha təkrarlayırıq. Hər kəsə xatırladırıq ki, bu məsələdə Türkiyənin xəbərdarlıqlarına qulaq asmaq hər kəsin xeyrinədir", - nazirlik əlavə edib.

Bu, ABŞ və İsrailin 28 fevralda İrana hücumlarından bəri baş verən ikinci belə hadisədir. 4 martda İrandan atılan ballistik raket İraq və Suriya üzərindən uçub və Türkiyəyə doğru gedərkən Aralıq dənizində NATO qüvvələri tərəfindən vurulub. Raket qalıqları Türkiyənin Suriya ilə sərhəd yaxınlığındakı Hatay əyalətinə düşüb; heç kim xəsarət almayıb.

Əziz MUSTAFA