Qana Zelenskidən Ukraynaya qarşı Rusiya tərəfində döyüşən qanalı əsirlərin azad edilməsini istəyib

Qana Xarici İşlər Naziri Samuel Okudzeto Ablakva Ukrayna Prezidenti Volodymyr Zelenskydən Ukraynaya qarşı Rusiya tərəfində döyüşən qanalı əsirlərin azad edilməsini istədi. Bu barədə Oxuməni.az Bloomberg-ə istinadən məlumat yayıb.

Qana Xarici İşlər Naziri Samuel Ablakva əvvəllər Kiyevə səfər etdiyini və Ukrayna Prezidenti ilə danışıqlar apardığını və danışıqlar zamanı qanalı hərbi əsirlərin azad edilməsinə çalışdığını açıqlamışdı.

Ablakva qeyd edib ki, "Biz Qananın iki vətəndaşımızın azad edilməsi üçün humanitar müraciətinə yönəlmiş səmərəli müzakirələr apardıq".
Daha əvvəl qeyri-kommersiya tədqiqat təşkilatı Inpact qeyd edib ki, Rusiya tərəfində əsgər kimi müəyyən etdiyi 1417 afrikalıdan 234-ü Qana vətəndaşıdır. Yeri gəlmişkən, Qanalılar Rusiya ordusunda say baxımından yalnız Misir və Kamerundan sonra ikinci yerdədirlər.

Qana xarici işlər naziri ilə görüşdən sonra Zelenski həmçinin qeyd edib ki, o, afrikalıların Ukraynaya qarşı müharibədə iştirakını müzakirə edib.

Daha əvvəl Hindistan hökuməti Rusiyalı işəgötürənlərin Ukraynaya qarşı müharibədə döyüşmək üçün Hindistan vətəndaşlarını cəlb etmələri ilə bağlı ən azı 200 hadisə barədə məlumat verib. Rəsmi məlumatlara görə, ən azı 26 hindli öldürülüb, daha yeddi nəfər itkin düşüb.

Eyni zamanda, Ukrayna Xarici İşlər Nazirliyi Afrika ölkələrini müxtəlif Afrika ölkələrindən gəncləri müharibəyə cəlb edən Rusiyanın cəlbetmə sxemlərinə qarşı tədbirləri gücləndirməyə çağırıb.

Əziz MUSTAFA