İranın  zənginləşdirilmiş uranı 12 nüvə bombası üçün kifayətdir

Omanda ABŞ ilə danışıqların ilk mərhələsində İran nümayəndələri yüksək zənginləşdirilmiş uranlarını Rusiyaya köçürməyi təklif etdilər. Ölkə həmçinin zənginləşdirməni bir neçə il dayandırmağa hazırdır. Bu barədə The Wall Street Journal-a istinadən məlumat verib.

Qeyd edilib ki, İranın zənginləşdirilmiş uranı12 n üvə bombası üçün kifayətdir.

Məlum olduğu kimi, İran həmişə uranı dinc məqsədlər üçün zənginləşdirdiyini iddia edib, baxmayaraq ki, silah üçün lazım olan 90%-ə yaxın 60% zənginləşdirilmiş uran istehsal edən yeganə qeyri-nüvə ölkəsidir.

Məhz buna görə ABŞ bunun qarşısını almaq üçün razılığa gəlmək istəyir.

"Omanda əvvəlki görüşdə İran ABŞ-a 12 nüvə bombasını yanacaqla təmin etmək üçün kifayət qədər bu yüksək zənginləşdirilmiş materialı xaricə, ehtimal ki, Rusiyaya göndərməyə hazır olduğunu bildirmişdi", - deyə İran, Ərəb və Amerika rəsmiləri nəşrə bildiriblər.

Diplomatların sözlərinə görə, İran rəsmiləri həmçinin uranın zənginləşdirilməsini üç ilə qədər dayandırmağı təklif edə biləcəklərini bildiriblər.

Lakin WSJ-nin yazdığı kimi, bu vəd çox az dəyişəcək, çünki İranın iyun ayında ABŞ-ın zərbələri ölkənin əsas nüvə obyektlərini sıradan çıxardıqdan sonra uran zənginləşdirilməsini dayandırdığı güman edilir.

Nəşr həmçinin əlavə edib ki, 2025-ci ilin iyun ayında ABŞ və İranın zərbələrindən sonra ölkənin mövcud yüksək zənginləşdirilmiş uran ehtiyatlarının əsas hissəsi hücuma məruz qalan nüvə obyektlərinin dağıntıları altında basdırılıb.

Əziz MUSTAFA