Avropa liderləri Trampa qarşı plan hazırlayıblar

Brüsseldə keçirilən işgüzar şam yeməyində Avropa liderləri ABŞ prezidenti Donald Trampın təhdidlərinə və təzyiqlərinə qarşı durmaq üçün plan hazırlayıblar. Bu barədə The New York Times (NYT) mənbələrə istinadən məlumat yayıb.

Nəşr qeyd edir ki, Tramp "bütün dünyanı Avropaya iqtisadi əziyyət çəkmək, siyasətçilərini alçaltmaq və onların dəyərlərini kəskin tənqid etmək təhdidləri ilə şoka saldıqdan" sonra Avropa liderləri fəaliyyət planı hazırlayıblar. Bu planda Amerika prezidentinin gələcək təxribatlarına, eləcə də cavab tarifləri tətbiq etməklə bağlı təhdidlərinə sakit cavab təklif olunur. Bundan əlavə, Avropanın etibarsız müttəfiqə çevrilmiş Vaşinqtondan hərbi və iqtisadi asılılığını azaltmaq üçün çalışmağı planlaşdırır.

Mənbələrə görə, İtaliyanın Baş naziri Giorgia Meloni görüşdə ABŞ prezidenti ilə dialoqun davam etdirilməsini təklif edib, Almaniya kansleri Fridrix Merz ABŞ-dan iqtisadi asılılığı azaltmaq üçün sürətli tədbirlərin görülməsini müdafiə edib və Fransa prezidenti Emmanuel Makron bildirib ki, Avropa Vaşinqtona qarşı mübarizə aparmaq və bununla da Trampın hörmətini qazanmaq istəyini nümayiş etdirməlidir.

Qəzet Avropa planını "nisbətən cəsarətli, lakin yenə də mücərrəd" adlandırıb və qeyd edib ki, bu, "Avropa liderlərinin Trampa təzyiqi sözlə əvvəlkindən daha çox artırdıqlarını, lakin sadəcə ifadələrini əməllə dəstəkləməyə çalışdıqlarını" göstərən bir nümunədir.

Əziz Mustafa