ABŞ-ın Kubanı dəniz blokadasına almağa hazırlaşması Rusiyada həyəcanla qarşılanıb

12:36

Bəyəndim (2) Bəyənmədim (0)

Rusiya Prezidentinin mətbuat katibi Dmitri Peskov ABŞ-ın Kubaya qarşı mümkün dəniz blokadası ilə bağlı xəbərləri həyəcanverici adlandırdı. O, Moskvanın Havana ilə münasibətlərinə dəyər verdiyini söylədi.

"Bu məsələ ilə bağlı bir çox xəbər oxuyuruq. Bu, həyəcanverici məlumatdır. Bilirik ki, kubalı yoldaşlarımız öz maraqlarını və müstəqilliklərini müdafiə etmək əzmindədirlər", - deyə Peskov brifinqdə bildirib.

Politico mənbələrinə görə, ABŞ administrasiyası Kubaya neft tədarükünün qarşısını almağı düşünür və bunun əsas məqsədi ölkədə hökumət dəyişikliyinə məcbur etməkdir. ABŞ əvvəllər Venesuelada oxşar əməliyyat keçirmişdi. 2025-ci ilin dekabrında Prezident Donald Tramp Venesuela neftini daşıyan sanksiyalı tankerlərə blokada tətbiq etmişdi. 2026-cı ilin yanvar ayının əvvəlində Amerika xüsusi təyinatlıları Prezident Nikolas Maduro və həyat yoldaşı Siliya Floresi tutaraq ABŞ-a qaytardılar. Delsi Rodriges Venesuela prezidentinin səlahiyyətlərini icra etməyə başladı.
Əziz MUSTAFA