Macarıstanın keçmiş Polşa ədliyyə naziri Zbiqnev Ziobroya siyasi sığınacaq verməsi təhlükəli insidentə çevrilə bilər

Polşa ədliyyə naziri Valdemar Zurek Macarıstanın keçmiş Polşa ədliyyə naziri Zbiqnev Ziobroya siyasi sığınacaq verməsini Avropa Birliyində təhlükəli bir presedent adlandırdı.

"Bu, bütün cəmiyyət üçün məhkəmə təcrübəsinin təhlükəli bir nümunəsidir", Zurek Politico-ya bildirib. "Əgər AB bunu qəbul edərsə, hamı buna istinad etməyə başlayacaq, ədalət siyasi alətə çevriləcək. Sığınacaq vermək qərarı müstəqil məhkəmənin qərarı deyil, siyasi qərardır", o, iddia edib.

Polşa Ədliyyə Nazirliyi Ziobro üçün həbs qərarı çıxarıb və onu Ədalət Fondundan vəsaitlərin mənimsənilməsi və 578 Polşa siyasətçisinin qanunsuz dinlənilməsi də daxil olmaqla 26 maddə ilə ittiham edib.

Macarıstan hesab edir ki, hazırkı Polşa hakimiyyəti Ziobronu yalnız siyasi səbəblərə görə təqib edir. Ötən ilin noyabr ayında Baş nazir Viktor Orban onu Budapeştdəki iqamətgahında qəbul etmişdi.

Macarıstan xarici işlər naziri Peter Siyarto əvvəllər elan etdiyi kimi, öz ölkələrində hakimiyyət orqanları tərəfindən təqib edilən bir neçə Polşa vətəndaşına Macarıstanda siyasi sığınacaq verilib. Siyarto qeyd edib ki, Macarıstan hökuməti bir neçə Polşa vətəndaşından siyasi sığınacaq tələbləri alıb və onları milli qanunlara və AB qaydalarına ciddi şəkildə uyğun olaraq araşdırıb. O, bu cür addımların AB standartlarına tam uyğun olduğunu bildirib.

Əziz MUSTAFA