Netanyahu Türkiyə və Qətərin Qəzzada hərbi mövcudluğunu istisna edir

07:55

Bəyəndim (0) Bəyənmədim (0)

İsrail Baş naziri Benyamin Netanyahu Qəzza zolağında Türkiyə və ya Qətər hərbi mövcudluğunun olmayacağını bildirdi. O, bu açıqlamanı Knessetdə (İsrail parlamenti) etdiyi çıxışda etdi.

"Qəzza zolağında Türkiyə və ya Qətər əsgərləri olmayacaq. Biz ABŞ-dakı dostlarımızla Qəzza zolağının İdarəetmə Şurasının tərkibi ilə bağlı müzakirələr aparırıq", Netanyahu dedi. "Biz ABŞ Prezidenti Donald Trampın sülh planının]ikinci mərhələsinin astanasındayıq və bu, bir şey deməkdir: HƏMAS və Qəzza silahsızlaşdırılacaq", o əlavə etdi. Ynet portalı baş nazirin sözlərini sitat gətirib.

17 yanvarda İsrail Baş Nazirinin Ofisi Qəzza İdarəetmə Şurasının tərkibinin İsraillə razılaşdırılmadığını və "onun siyasətinə zidd olduğunu" bildirdi. Ofis həmçinin əlavə etdi ki, Netanyahu İsrailin xarici işlər naziri Gideon Saara ABŞ dövlət katibi Marko Rubioya "bu məsələni həll etməyi" tapşırıb.

9 oktyabr 2025-ci ildə İsrail və radikal Fələstin hərəkatı HƏMAS, Misir, Qətər, ABŞ və Türkiyənin vasitəçiliyi ilə ABŞ prezidenti Donald Tramp tərəfindən təqdim edilən sülh planının birinci mərhələsini həyata keçirmək barədə razılığa gəldilər. Növbəti gün Qəzza zolağında atəşkəs qüvvəyə mindi. Razılaşmanın ikinci mərhələsi İsrail qoşunlarının anklavdan çıxarılmasını, beynəlxalq sabitləşdirmə qüvvələrinin yerləşdirilməsini və Sülh Şurası da daxil olmaqla, sektoru idarə etmək üçün strukturlar tərəfindən işə başlamağı nəzərdə tutur.

Əziz MUSTAFA