Rostova dron hücumu edilib: Çoxmərtəbəli binalar və sənaye müəssisəsi yanğına məruz qalıb

14 yanvar gecəsi Rostov-na-Dona dron hücumu edilib. Şəhərin bir neçə ərazisində dağıntıların düşməsi, yaşayış binalarına və sənaye müəssisəsinə ziyan vurması nəticəsində çoxmərtəbəli binalardakı mənzillər yanğına məruz qalıb. Bu barədə Rusiya mətbuatı məlumat yayıb.

Hakimiyyət orqanlarının məlumatına görə, dörd yaşlı uşaq da daxil olmaqla dörd nəfər yaralanıb. Bütün yaralılar xəstəxanaya aparılıb və onların vəziyyətinin orta ağır olduğu bildirilir.

Şəhər və regional hakimiyyət orqanları yaşayış binalarına ziyan dəydiyini və dağıntıların düşməsi nəticəsində yanğınların baş verdiyini bildiriblər. Bir neçə rayonda təcili yardım xidmətləri yüksək hazırlıq vəziyyətinə gətirilib.

Rostov-na-Don meri Aleksandr Skryabin ilkin nəticələr barədə məlumat verib. Onun sözlərinə görə, şəhərin qərb hissəsində bir neçə çoxmənzilli binaya ziyan dəyib. Bəzi mənzillərdə yanğınlar baş verib. Hadisə yerində təcili yardım və xilasetmə xidmətləri var. Yaralı mənzil sakinləri üçün müvəqqəti yaşayış mərkəzi yaradılıb. Orada yataq yerləri, isti yemək və içkilər də daxil olmaqla bütün lazımi şərait yaradılıb.

Qubernator Yuri Slyusar da Rostov-na-Don şəhərinə hava hücumu nəticəsində mülki şəxslərin yaralandığını bildirib.

"Hazırda xilasedicilər şəhərin qərb hissəsindəki sənaye müəssisəsində baş verən yanğını söndürürlər", - deyə o qeyd edib.
Əziz MUSTAFA