Трамп mətbuatı narahat edən qançırlar barədə danışıb

ABŞ prezidenti Donald Tramp qanının duruluğunu qorumaq üçün daim çox miqdarda aspirin qəbul etdiyini bildirib. Buna görə də onun bədənində asanlıqla qançırlar əmələ gəlir. Bu barədə "The Wall Street Journal" qəzeti müsahibə dərc edib.
"Onlar [həkimlər] deyirlər ki, aspirin qanı durulaşdırır və mən istəmirəm ki, qatı qan ürəyimdən axıb keçsin. Mən istəyirəm ki, ürəyimdən yaxşı, duru qan axıb keçsin", - deyə o bildirib. ABŞ prezidenti əlavə edib ki, buna görə də onda asanlıqla qançırlar əmələ gəlir. Həkimlər ona dozasını azaltmağı tövsiyə ediblər, lakin Tramp imtina edib.
Daha əvvəl xəbər verilmişdi ki, ABŞ prezidenti hər iki biləyində qançırlarla ictimaiyyət qarşısına çıxıb. Amerika liderinin sağ əlində tonal krem altında gizlənmiş böyük qırmızı ləkə müşahidə olunub.
CNN jurnalistləri isə prezidentin səhhəti ilə bağlı suallar qaldırıblar. Tibb ekspertləri narahatlığa səbəb olmadığını və bunun yaşlı insanlarda tez-tez rast gəlinən hal olduğunu bildirsələr də, Trampın səhhəti ilə bağlı gizliliyi dövlət başçısının vəziyyətinə diqqətin artması təhlükəsini yaradır.

Almaz Həsənli