Latviya Rusiya ilə sərhəd baryerinin tikintisini başa çatdırdı

10:22

Bəyəndim (1) Bəyənmədim (0)

Latviya-Rusiya sərhədində fiziki baryerin tikintisi başa çatdığını layihənin icrasına cavabdeh olan dövlət şirkəti Valsts Nekustamie Ipasumi (VNI) açıqladı.

Bəyanatda deyilir: "Ümumilikdə, Latviya-Rusiya sərhədində təxminən 280 kilometrlik baryer tikilib və texniki cəhətdən nəzərdə tutulduğu yerlərdə davamlı bir baryer əmələ gətirib".

2024-cü ildə Latviya-Belarus sərhədi boyunca təxminən 145 kilometr uzunluğunda bir baryerin tikintisi başa çatıb.

"Sərhəd boyunca yüksək texnologiyalı avadanlıqların quraşdırılması davam edir və əsas məqsədimiz AB-nin şərq sərhədində ən müasir sərhəd xidmətini yaratmaqdır", Latviya daxili işlər naziri Rihards Kozlovskis VNI mətbuat xidməti vasitəsilə bildirib.

Bataqlıq ərazilərdə patrul yolları və ponton yolları, eləcə də digər mühəndislik qurğuları da daxil olmaqla, əlaqəli sərhəd infrastrukturunun inkişafı üzrə işlər davam edir.

Əziz Mustafa