Meksikada qatarın relsdən çıxması nəticəsində on üç nəfər ölüb, 98 nəfər yaralanıb

10:10

Bəyəndim (1) Bəyənmədim (0)

Meksika prezidenti Klaudiya Şeynbaum X sosial media platformasında bildirib ki, Meksikanın Oaxaka ştatında sərnişin qatarının qəzası nəticəsində on üç nəfər ölüb, 98 nəfər yaralanıb. O bildirib ki, yaralılardan beşinin vəziyyəti ağırdır.

Daha əvvəl Meksika Hərbi Dəniz Qüvvələri Nazirliyi relsdən çıxan qatarda 241 sərnişin və doqquz heyət üzvü olduğunu bildirmişdi.Meksika Hərbi Dəniz Qüvvələri qurbanların ailələrinə başsağlığı verib və qurbanlara təcili dəstək göstərməyə hazır olduğunu bildirib.

Qəza bazar günü cənubdakı Oaxaka ştatındakı Çivela və Nisanda şəhərləri arasında baş verib.

Meksikanın baş prokuroru Ernestina Qodoy Ramos da öz növbəsində hadisə ilə bağlı araşdırmanın artıq başlandığını açıqlayıb.

Əziz MUSTAFA