Şagirdindən uşaq dünyaya gətirən britaniyalı müəlliməyə dərs demək qadağan edilib

12:01

Bəyəndim (2) Bəyənmədim (0)

Böyük Britaniyada iki məktəbli ilə cinsi əlaqədə olmaqda və onların birindən hamilə qalmaqda təqsirli bilinən müəllimə dərs demək hüququndan məhrum edilib. Bu barədə The Independent məlumat verib.

31 yaşlı riyaziyyat müəllimə Rebekka Coyns 2024-cü ilin iyul ayında uşaqla altı cinsi əlaqədə təqsirli bilindikdən sonra altı il yarım həbs cəzasına məhkum edilib. O, keçən il uşaq dünyaya gətirib, lakin uşaq ondan alınıb. Dekabrın əvvəlində Tədris Tənzimləmə Orqanı (TRA) Coynsun peşə davranışını nəzərdən keçirmək üçün virtual dinləmə keçirib.

Dinləmə zamanı onun məktəblərdə və kolleclərdə dərs demək hüququnun müddətsiz olaraq qadağan edilməsi qərara alınıb. Bundan əlavə, ona qarşı irəli sürülən ittihamların ciddiliyi nəzərə alınaraq, müəllimə müəllimlik hüquqlarını bərpa etmək üçün ərizə vermək qadağan edilib.

Əziz MUSTAFA