Türkiyə Somalidə Hərbi Hava Qüvvələri Komandanlığını yaradır

10:28

Bəyəndim (2) Bəyənmədim (0)

Türkiyə Somalidə xüsusi hava qüvvələri komandanlığının yaradıldığını elan etdi. Bu barədə HBN televiziya kanalı Türkiyənin Milli Müdafiə Naziri Yaşar Gülərə istinadən məlumat verib.

Rəsmi şəxsin sözlərinə görə, yeni komandanlığın ixtiyarında hücum vertolyotları, qırıcı təyyarələr və hərbi nəqliyyat təyyarələri olacaq. Onun missiyası Somali Milli Ordusunun (SNA) əməliyyat imkanlarını gücləndirməkdir. Gülər qeyd edib ki, bu addım Ankara və Moqadişu arasında uzunmüddətli təhlükəsizlik əməkdaşlığının, xüsusən də kadr hazırlığı və terrorizmə qarşı əməliyyatlar sahəsində "strateji hissəsidir".

Kanalın qeyd etdiyi kimi, Türkiyə artıq Somali ərazisindən kənarda ən böyük hərbi bazasını paytaxtda idarə edir. Minlərlə Somali əsgəri birgə TÜRKSOM əməliyyatının bir hissəsi olaraq orada təlim keçir.

Kanal vurğulayır ki, 2025-ci ilin noyabr ayında Somali və Türkiyə dəniz təhlükəsizliyi sahəsində əməkdaşlıq müqaviləsi imzalayıblar və bu, Türkiyənin Afrika Buynuzu bölgəsində artan strateji təsirini nümayiş etdirib. 12 dekabrda Hind okeanının Somali sahilində Türkiyə kosmik limanının tikintisinə başlanılıb.

Əziz Mustafa