Time süni intellektin yaradıcılarını 2025-ci “İlin adamı” adlandırıb

Amerikan "Time" jurnalı tərəfindən süni intellekt sistemlərinin yaradıcıları 2025-ci “İlin adamı” adına layiq görülüb.
Jurnalın məlumatında deyilir: "2025-ci il süni intellektin bütün potensialının tamamilə ortaya çıxdığı və geri dönüşün mümkün olmadığı aydınlaşdığı il oldu. Müasir dövrü dəyişdirmək və mümkün olanın sərhədlərini genişləndirmək üçün 2025-ci “İlin adamı” süni intellektin memarları oldular."
Nəşrin üz qabığına Meta-nın rəhbəri Mark Zukerberq, AMD-nin baş direktoru Liza Su, xAI, SpaceX və Tesla-nın rəhbəri İlon Mask, Nvidia-nın rəhbəri Censen Xuang, OpenAI-nin rəhbəri Sem Altman, DeepMind-ın rəhbəri Dəmis Həssabis, Anthropic-in rəhbəri Dario Amodei və ImageNet-in təsisçisi Fey-Fey Li yerləşdirilib. Hamısı çoxmərtəbəli binaların üzərində polad şüa üzərində oturmuş vəziyyətdə təsvir olunub. Bu, 1932-ci ilin ikonik "Səma binasında nahar" fotosuna vizual istinaddır.
"Time" jurnalı 1927-ci ildən bəri il ərzində dünyaya ən böyük təsir göstərmiş şəxsi, qrupu və ya ideyanı – "xeyir və ya şər" naminə – seçir. 2024-cü ildə bu ada ABŞ prezidenti Donald Tramp layiq görülüb.
Almaz Həsənli