Serbiya 2025-ci ilin sonuna qədər icbari hərbi xidməti tətbiq edəcək

11:11

Bəyəndim (3) Bəyənmədim (0)

Serbiya 2025-ci ilin sonuna qədər 75 günlük icbari hərbi xidməti bərpa edəcək. Tanjug xəbər agentliyinin məlumatına görə, bunu Prezident Aleksandar Vuçiç bunu açıqlayıb.

"Biz bunu tez bir zamanda edəcəyik. Səhv etmirəmsə, bu il 75 günlük hərbi xidmət başlayacaq", - deyə Serbiya lideri bildirib.

11 noyabrda Vuçiç Avropa ölkələrinin Rusiya ilə müharibəyə hazırlıqlarını və Serbiya ordusunu gücləndirməyin vacibliyini açıqladı. Prezidentin sözlərinə görə, əsas prioritet ölkənin Hərbi Hava Qüvvələrinin gücləndirilməsidir.

Noyabrın əvvəlində Vuçiç sursat ixracını bərpa etmək və dəstəkləmək niyyətində olduğunu açıqladı. O, bu qərarı iqtisadi zərurət və Serbiyada iş yerlərinin qorunması kimi izah etdi. Vuçiçin sözlərinə görə, neytral Belqrad əməliyyatlara nəzarət edir, lakin döyüş zonalarına tək-tək silah sızmaları baş verir. Rusiyanın Xarici Kəşfiyyat Xidməti əvvəllər Serbiyanı öz sursatının Ukrayna ordusu tərəfindən istifadəsinə icazə verməkdə ittiham etmişdi.

Əziz Mustafa