Ümumdünya İnsan Hüquqları Bəyannaməsinin qəbul edildiyi vaxtdan 77 il ötür

Bəyannamə insan hüquqları fəalları, beynəlxalq təşkilatlar və BMT üçün mənəvi və siyasi bələdçiyə çevrildi.

Oxuməni.az-ın verdiyi məlumata görə, 10 dekabr 1948-ci ildə BMT Baş Assambleyası Ümumdünya İnsan Hüquqları Bəyannaməsini qəbul edərək elan etdi.

İkinci Dünya Müharibəsindən sonra dünya birliyi müharibə və Xolokost dəhşətlərinin təkrarlanmasının qarşısını almaq üçün insan hüquqlarının müdafiəsi sahəsində universal standartlar yaratmağa çalışırdı. Bəyannamə müxtəlif ölkələrin və mədəniyyətlərin nümayəndələrini özündə birləşdirən beynəlxalq komissiyanın illərlə davam edən işinin nəticəsi oldu.

Bu tarixi sənəddə ilk dəfə olaraq hamı tərəfindən müdafiə olunmalı olan əsas insan hüquqları formalaşdırıldı. Bəyannamə dünyanın hər hansı digər mətnindən daha çox tərcümə olunur: bu gün onun mətni 500-dən çox dildə mövcuddur.

Ümumdünya İnsan Hüquqları Bəyannaməsi Parisdəki Pale de Şayoda o dövrdə 58 dövlətdən ibarət olan Birləşmiş Millətlər Təşkilatının Baş Assambleyasının nümayəndələri tərəfindən qəbul edildi. Qırx səkkiz dövlət lehinə səs verdi.

Bəyannamədə hər bir insanın hüquq və azadlıqlarını, o cümlədən yaşamaq, azadlıq, şəxsi təhlükəsizlik, fikir, vicdan və din azadlığı, təhsil, iş və sosial təminat hüquqlarını təsbit edən 30 maddə var.

Almaz Həsənli