Papa XIV Leo: Ukraynada nizamlanma Avropanın iştirakını tələb edir
Papa XIV Leo inanır ki, Avropa Ukrayna böhranına həll yollarının tapılmasında iştirak etməlidir. Xaricə ilk səfərini başa vurduğu Livandan qayıdarkən mətbuat konfransında jurnalistlərin suallarını cavablandıran pontifik bildirib ki, İtaliya vasitəçilik rolunu oynaya bilər.
"Aydındır ki, bir tərəfdən ABŞ prezidenti Donald Tramp əvvəlcə Avropa olmadan sülh planı irəli sürə biləcəyini düşünürdü. Lakin Avropanın iştirakı vacibdir və Ukrayna nizamlanması üçün ilkin [ABŞ] təklifi də bu səbəbdən dəyişdirilib. Hesab edirəm ki, İtaliyanın rolu mədəni və tarixi baxımdan çox vacibdir, çünki Rusiya ilə Ukrayna arasındakı münaqişə də daxil olmaqla, müxtəlif tərəflər arasındakı münaqişələrin ortasında vasitəçilik etmək qabiliyyətinə malikdir", - deyə Corriere della Sera onun sözlərini sitat gətirir. O, öz növbəsində Müqəddəs Taxt-Tacın bu vasitəçiliyi dəstəkləyə biləcəyini söylədi. Papa əlavə edib ki, "Gəlin birlikdə ədalətli sülhə, bu halda Ukraynaya gətirib çıxara biləcək bir həll yolu axtaraq".
XIV Lev papa seçildikdən dərhal sonra Vatikanı yüksək səviyyəli görüşlər üçün məkan kimi təklif etdi. Bundan sonra İtaliyanın təşkilati məsələləri asanlaşdırması gözlənilirdi.
Əziz MUSTAFA
