Almaniya Ukraynaya uzaq mənzilli raketlər təhvil verəcək

Ukrayna ordusunun uzaq mənzilli imkanlarının gücləndiriləcəyini gözləyir. Almaniya Ukraynaya uzun mənzilli raketlərin təhvil verilməsi üçün hazırlıqları təsdiqləyib. Bu barədə a Anadolu Ajansı məlumat verib. Berlində keçirilən mətbuat konfransında kansler Fridrix Merz Kiyevlə texniki məsləhətləşmələrin bir neçə aydır davam etdiyini və artıq son mərhələdə olduğunu açıqlayıb.

O qeyd edib: "Ukrayna ordusu bu cür silah sistemləri ilə təchiz olunacaq", lakin tədarüklərin miqdarı və vaxtı ilə bağlı təfərrüatlar açıqlanmayıb.

Kanslerin sözlərinə görə, bu, Rusiyanın Ukraynanın həqiqi imkanlarını qiymətləndirməsini çətinləşdirmək üçün seçilmiş taktika ilə bağlıdır.

"Xüsusilə Rusiya tərəfi üçün müəyyən bir qeyri-müəyyənlik lazımdır", - deyə o vurğuladı və əlavə etdi ki, dəstək davam edəcək və Ukraynada raket sistemlərinin istehsalını da əhatə edə bilər.

Merz Rusiyanın qışdan əvvəl Ukraynanın mülki enerji infrastrukturunu qəsdən hədəf aldığını bildirdi və Moskvanın hərəkətlərini "mülki əhaliyə qarşı terror müharibəsi" kimi xarakterizə etdi.

Almaniya Ukraynanın hava hücumundan müdafiə sistemini gücləndirmək niyyətindədir: Kiyev gələn il əlavə 3 milyard avro hərbi yardım alacaq.

Kansler həmçinin Aİ-nin tezliklə Ukraynanı maliyyələşdirmək üçün dondurulmuş Rusiya aktivlərindən istifadə mexanizmi barədə razılığa gələcəyinə ümid etdiyini bildirib

Əziz MUSTAFA