Cənubi Koreyanın keçmiş prezidenti Şimali Koreyaya yardım etməkdə ittiham olunur
Cənubi Koreyanın xüsusi prokuroru Ço In Sok keçmiş prezident Yun Sok Yola qarşı 2024-cü ildə hərbi vəziyyət elan etmək qərarı ilə bağlı yeni ittihamlar irəli sürüb. Bu barədə “Yonhap” xəbər verir.
İttihamlar keçən il Şimali Koreyaya pilotsuz təyyarələrin göndərilməsi iddiasına görə “düşmənə yardım”la bağlıdır. Prokurorun sözlərinə görə, göstəriş Şimali Koreyanın cavab tədbirlərini təhrik etmək və dekabrda hərbi vəziyyət elan etmək üçün bəhanə kimi istifadə etmək üçün verilib.
Prokurorluq öz qərarını belə əsaslandırıb ki, 2024-cü ilin oktyabrında pilotsuz təyyarənin göndərilməsi Şimali Koreyaya məxfi hərbi məlumatların sızmasına səbəb olub.
Prokuror Yun Sok Yolu da bu sərəncamla bağlı səlahiyyətlərindən sui-istifadə etməkdə ittiham edib. O, əvvəllər hərbi vəziyyət elan etməklə üsyana rəhbərlik etməkdə, müstəntiqlərin saxlanmasına mane olmaqda və kabinet üzvlərinin hüquqlarını pozmaqda ittiham olunub. Yun Sok Yol iyul ayından həbsdədir.
Xüsusi prokuror komandası həmçinin keçmiş müdafiə naziri Kim Yon Xyon və Müdafiə Nazirliyinin Əks-kəşfiyyat komandanlığının keçmiş rəhbəri Yo İn Xyonu “düşmənə yardım etmək” və vəzifə səlahiyyətlərindən sui-istifadədə ittiham edib.
Dron Əməliyyatları Komandanlığının rəhbəri Kim Yon Deyə qarşı rəsmi vəzifələrə mane olmaq və saxta rəsmi sənədlərin hazırlanmasına təhrik etmək ittihamı ilə ittiham irəli sürülüb.
3 dekabr 2024-cü ildə Yun Sok Yol xalqa fövqəladə müraciətində "prinsipsiz Şimali Koreya tərəfdarı olan anti-dövlət qüvvələrinə" qarşı durmağın zəruriliyini əsas gətirərək hərbi vəziyyət elan etdi. Bu, Şimali Koreya ilə dialoqun tərəfdarı olan müxalif “Toburo” Demokratik Partiyası üçün mühafizəkar termindir. Prezident həmçinin müxalifəti “çevriliş hazırlamağa yönəlmiş dövlət əleyhinə fəaliyyətdə” ittiham edib.
Milli Məclis onun qərarını ləğv edib və siyasətçini vəzifəsindən kənarlaşdırıb. Bunun ardınca Yun Sok Yola qarşı dövlətə xəyanət istintaqı başladılıb.
Almaz Həsənli
