"Lukoyl"un xarici şirkətləri Qərb sanksiyaları nəticəsində iflic vəziyyətindədir

12:19

Bəyəndim (2) Bəyənmədim (0)

Rusiyanın neft nəhəngi "Lukoyl" xarici bölmələrində problemlərlə üzləşib. Səbəb ABŞ və Böyük Britaniya sanksiyalarıdır. Bu barədə Reuters məlumat yayıb.

Nəşrin mənbələrinə görə, İraqın dövlətə məxsus SOMO şirkəti "Lukoyl"un Qərbi Qurna-2 yatağında hasil etdiyi üç partiya neftin göndərilməsini ləğv edib. Rusiya şirkəti bu layihənin 75%-nə sahibdir və istehsal gücü gündə təxminən 480.000 bareldir, qalan pay isə İraqın Şimali Neft Şirkətinə məxsusdur.

Reuters mənbələri neftin yüklənməsinin 11, 18 və 26 noyabr tarixlərinə planlaşdırıldığını aydınlaşdırdılar. Treyderlər həmçinin jurnalistlərə bildiriblər ki, "Lukoyl"un Cenevrədəki ticarət qolu olan "Litasco", Böyük Britaniya sanksiyalarının tətbiqindən sonra gəmilərin icarəyə götürülməsində çətinliklərlə üzləşib. Britaniyalı brokerlər artıq şirkətlə işləməkdən imtina edirlər.

Sanksiyalar həmçinin "Litasco"nu bəzi işçilərini işdən çıxarmağa məcbur edib.

Əziz Mustafa