Estoniyada dörd silah-sursat zavodu tikiləcək

12:33

Bəyəndim (2) Bəyənmədim (0)

Estoniya dörd raket və mina fabriki tikməyi planlaşdırır, Postimees xəbər verir.

Yeni fabriklər ölkənin cənub-qərbindəki Tostamaa yaxınlığındakı Ermistu sənaye parkında tikiləcək.

"Onlar minalar, partlayıcı maddələr, qısa mənzilli zenit raketləri və döyüş sursatları komponentləri istehsal edəcəklər", - Estoniya nəşri yazır.

Dövlət fabriklərin tikintisi üçün torpaq sahəsini 70 il müddətinə icarəyə götürəcək. Gələcəkdə sənaye kompleksi üçün ayrılan yerdə daha iki zavod tikilə bilər.

İyunun 28-də Baltikyanı ölkələr Piyada əleyhinə minalar haqqında Ottava Konvensiyasından çıxdıqları barədə BMT-yə məlumat veriblər. Latviya, Litva və Estoniya xarici işlər nazirlikləri bəyanatlarında bəyan ediblər ki, konvensiyadan çıxmaq ölkələrə müdafiə qabiliyyətini gücləndirməkdə “çeviklik nümayiş etdirməyə” imkan verəcək. Ölkələr Rusiya və Belarusla sərhədləri minalamağı planlaşdırır.

Əziz Mustafa